日 本 鬼 子 斩 千 刀 ——客家兴宁抗战 歌谣之4

张长兴

日 本 鬼 子 斩 千 刀

日本鬼子斩千刀，　狗虱惯大惯逞刁，
番番都来打中国，　唔讲道理只讲刀，
硬敢乱杀涯同胞。

硬敢乱杀佢同胞，　全国人民苦难当，
百过万兵打中国，　又有飞机一大帮，
几多同胞受灾殃。

几多同胞受灾殃，　一夜功夫失沈阳，
东北三省亡亚得，　百万同胞做牛羊，
你话凄凉唔凄凉。

你话凄凉唔凄凉，　任佢宰杀任佢烫，
小孩捉倒去抽血，　妇女奸污致死亡，
紧缅紧真紧痛肠。

紧缅紧真紧痛肠，　北平上海输精光，
广州潮汕遭沦陷。　梦想把我中国亡，
瞒人看倒唔悲伤。

瞒人看倒唔悲伤，　敌机轰炸係猖狂，
兴宁县城被炸坏，　县府宜楼也遭殃，
缅呀起来心会伤。

缅呀起来心会伤，　死难同胞真凄凉，
有丢半腰飞亚走，　有丢头上流脑浆，
还有手脚各一方。

明矾

张老师好。

和平眼之悦眼镜

好歌，好词，可敬可敬{:soso_e183:}

讲道理

{:soso_e179:}

好心情

{:soso_e179:}