碧坑老虎潭野炊（5张图）

东山三 · 发表于 2014-7-27 15:01:26

本帖最后由东山三于 2014-7-28 07:31 编辑

天嘅热，爱搞滴活动来调节下嘅闷嘅气氛。

由“运动嗷嗷群”捞“和平风吹蝴蝶战队群”嘅“吖喵”、“牛肚刚”带头，一帮12人，昨晚日驷碧坑老虎潭野炊，煮饭食夜。前一日，两只带头人还特意驷拉了下路，睇下环境。

老虎潭在乃？进碧坑，落到一只坳，睇到右边有新做嘅一栋别墅那路口停，从另一侧嘅小路进，走到督就睇得到有只坪，坪里有只平台，平台上有桌有凳有帐篷就系了。不远，骑单车，骑摩托都方便。老虎潭嘅休闲平台，听讲系由几只吖伯搭到嘅，有灶台，有水龙头等，方便煮茶煮饭。

在山坳里煮夜食，伙食喏般？

一汤：冬瓜肉丸汤
两肉：皮豆腐捞三层楼猪肉、香菇捞鸡肉
一菜：包菜

野炊野炊，在山里炊争有味道。行小路时，小路地面由石头铺到嘅，或圆或长，打赤脚踩驷好味道，天然足疗。老虎潭附近水声咚咚，树荫清凉。

图片来自“吖喵”、“牛肚刚”、“水豆腐”。更多图片，等其他社友来补充。