还有效 | 想“起”老婆

东山三

首先讲最近嘅一次生活中嘅相睇，简单自我介绍一下。

年底，亲戚介绍只妹仔，话好好嘅。亲戚几次打电话来，喊我驷见下面来，越快越好。年三十大清早，天乌嘅，路灯还着稳，我骑到单车，准备落彭寨睇妹仔。

路上雾大，睇不多到远路。有嘅小车，都系打开全闪示廓灯来走。“铃……”，屋下人嘅电话，

“尔吖曾到彭寨啰？爱请人家食早餐啊。”
“我还争到寨下。”
“尔骑单车落啊？”
“系啊。”
“……尔……尔冇人参嘅……乃里有人骑单车驷相睇嘅喔。”

到了彭寨。打电话把妹仔，妹仔话驷佢屋下坐。我问，

“吖好？我不曾带东西喔。”
“不使嘅。”
“哦……好。”

妹仔屋下人好热情，我坐落来，不多动。人家问，我就答，“中规中矩”。

上城前，打电话把亲戚，汇报下相睇情况。

“尔驷了人家屋下聊啊？”
“系。”
“尔打封手驷啊？”
“系。”
“也不曾把红包人家啊？”
“系。”
“尔……尔啊……喏般嘅不晓做嘅啊。”

好了，事情讲完了。要感谢肯捞我相睇嘅妹仔，因为放到乃里驷，捞我相睇嘅人，可能都会觉得好冇味道，花了时间捞精力，见到嘅，就系“四方角”（木板）一块，不晓得搞好形象、不晓得讲好说话嘅。

因为在生活中相睇成算好细，我又好难在短时间内有神一般嘅速度改变过来，所以想通过社区，睇吖冇识到较岩嘅妹仔来，吖可以通过网上结成婚。

讲句好听嘅话，系“事情往往有两面”，例如我在生活中表现到好“命”，系“命光辣”，但在我好搞嘅东西，也算“大方”，如我有三架电脑（一架慢到只可能睇网页嘅，一架开机几分钟后会自动重启嘅，一架可勉强打CF嘅）。又如我可能在公众场合好少讲话，甚至不出声，但或者对于中意嘅尔，会有好多，好多话想讲、爱讲。

我82年嘅，167cm左右，相貌普通。有时发下梦，吖冇起到只捞电视、电影中嘅“白富美”。但发梦总归发梦，现实中还系屋下人讲到较岩，“跟老婆，爱跟到较讲得来、懂事、听话嘅来。”

就写嘅多了，嘅快就两点零，起眼瞓了。如尔想问我，有话想讲，可通过社区站内信或这个网页留言（http://t.cn/8FYoLqg 适合社区冇账号嘅）。

多谢大家。

abc123

绝对是个优质好男人。信我的准没错，记住别看他现在的工作。看过去看其前景。看其做事。非常值得各位MM投资一辈子！如果有困惑的。可以找我解答！

爱情、下落不明

沙发

古寨镇中心小学

哈哈，我过年相亲我妈介绍个93年的，说我87年太老见面都不来了。

天使在人间

http://profile.zhenai.com/login/ ... %3D1385182612273%26    注册这个吧大把靓女，老弟祝你好桃花运。

hobby05

好爆冷   骑单车

Amy3

三哥也来相睇了，祝早日相到喜欢的。

bao88

贵在真诚，三少有什么要求的？

胆小鬼

我们社区的征婚率高吗

heygreen

哈哈，都是和平话，看着很好玩。
祝LZ成功“起”到靓妹。

太子a

鱼打风手四